Guwahati, March 24 : Police para Tripura laga Agartala Railway Station te komsikom 7jun suspected Bangladeshi ke arrest kurisiley.
Etu suspect khan ke Government Railway Police (GRP), Railway Protection Force (RPF) aro Tripura Police para dhurisiley.
Taikhan ke Kanchanjunga Express para jai thaka homoitey dhurisey.
Taikhan tu India te gairkanooni tarika para gusisey aro taikhan logotey valid nohoilebi kanooni document thakanai.
Arrest huwa manu khan tu Easin Hawlader (44 years), Mohammed Hasan (20 years), Sukur Ali Hawlader (19 years), Farjana Akhtar (20 years), Rumi Begam (21 years) aro tailogotey tailaga 10 moina laga chukri thakisey, Nayan Hossain (25 years) aro Md Matiur Mandal (26 years).
Police laga hisap te taikhan para India te gairkanooni tarika para gusisey koikina confess kurisey.
Taikhan para dawa kuisey ki taikhan tu India te naukri bisarikina ahisey.
Add Comment