Dimapur, 01 November: Thursday din Nagaland pora Ranji Tropy match host kora toh Sovima Cricket Stadium, Dimapur jaga deh suru hoise. Game suru nahowah agae deh, Nagaland laga Chief Minister Neiphiu Rio pora New Player’s Pavilions toh Nagaland Cricket Stadium Sovima, Dimapur jaga deh inaugurate kora thakise. State nemide kahani bonai kena Nagaland cricket team pora Ranji Trophy toh first time against Mizoram logode khelise. Chief minister pora toss kora time deh Mizoram team pora toss jeta thakise aro tai khan pora bat first juna thakise. Nagaland cricket stadium Sovima jaga deh General Secretary, Nagaland Cricket Association, Abu Metha pora media manu khan logode kowah toh, aji pora Naga criketers khan logode aji pora dangor opportunity pabo kowah thakise. Ahu pora kowah toh, Ranji Trophy deh kheli thaga Naga cricketer khan logode Rs.1.5 lakhs eacg toh per match deh pabole ase aro etu toh tusara allowance khan na-melai kena ase koise. Ranji Trophy jeta team logode nai-nai koilebe Rs.20- 25 lakhs pabole ase koise. Tai pora aro janaide kena thaga toh next season time pora Nagaland pora besi match host koribole ase.
Day 1 laga score
Mizoram (1st innings) 47.2 overs deh 106 runs pora sob out
Nagaland (1st innings) 4 deh 189 runs.
Day 2 deh match toh 8.45 am pora suru hobo
Add Comment