Dibrugarh, April 08 : Assam laga Chief Minister Himanta Biswa Sarma para Sunday din te Dibrugarh laga Lok Sabha candidate Sarbananda Sonowal laga support te campaign kuribole nimitey Dibrugarh te ekta road show kurisiley.
Etu roadshow te hazar opor manu para bhak loisey kuntu te Dibrugarh lag amain rasta khan par kurisey.
Sarma tu ekta popular BJP leader asey aro Sarma laga ekta jhalak dikhibole nimitey bhir khan bisi dangor number te jama hoisey. Sarma ke manu khan logotey selfie loi thaka dikhisey.
Sonowal laga gair mojudgi te, Sarma tu Dibrugarh laga roadshow te bhak loisey.
Sonowal tu Sunday din te voter khan laga support lobole nimitey, Tinsukia laga bisi alag alag rally te participate kurisey.
Dibrugarh Lok Sabha constituency tu ekta voting hobole thaka dangor jaga asey. Kuntu te AAP candidate Manoj Dhanowar aro INDIA bloc candidate Lurinjyoti Gogoi majotey ekta triangular contest huwa dikhibole asey.
Dibrugarh Lok Sabha seat te total 16,50,706 voters asey kun khan para April 19 te candidate khan laga bhagya ke decide kuribole nimitey taikhan laga kimti vote dhalibole asey.
Add Comment