DIMAPUR, NOVEMBER 3 : Nagaland te Measles Rubella Vaccination Campaign (MRVC) mana pora besi jun bacha kan ke etu MR dawai maride kena thakise. Etu ke November 2 dak majutte 90.14% bacha kan ke etu dawai maride kena ase koise. Etubi 4,04,304 bacha kan ke. Aro etu Campaign toh khotum hobole olop din hi pachi kena ase koise.
Ami kan state te 100% bacha kan ke etu dawai maridebole kotha janai kena Department of Health & Family Welfare pora etu dawai toh chuti sob bacha kan ke maride kena thakise koile ami kan state te etu bemar toh tusera kan ke lakibole besi daan hobo. Kele sob bacha kan ke etu dawai maridiya karne etu bemar toh kun kebi nathaka huijaa pora koi kena janaise.
Etu Department kan pora bi etu Campaign khotum hua bejete toh etu MR Dawai toh khali 9 moina aro 16 moina hua bacha kan kehi maribole thaka hobo. Aro etu pora dangor huijaa bacha kan ke aro maribole opai nabaa hobo. Etu karne sob logot etu nesena opai time te Sorkar Health Faicility osor te jai kena etu dawai toh chulti pora maridebole miss nakuribi koi kena janaise.
Add Comment