India aro Bhutan laga relation toh aro bhal kuriboley Assam Government ba April 30, deh teenta aro extra MBBS seat kan Bhutanese student kan ke reserve rakhidishey aro enaga kurina total seat toh panchta huishey Assam laga medical college kan deh. Assam Cabinet ba teenta MBBS seat duita medical college deh reserve Bhutanese student kan karney rakhibo koina approve kuridishey. November 1, 2023 deh Chief Minister Himanta Biswa Sarma ba meeting deh koishey. Barpeta laga Hospital, Fakhruddin Ali Ahmed Medical College aro Nalbari Medical College Hospital deh seat kan reserve rakhina ase. Thimphu deh, India laga Embassy ba ekta press release deh state kurishey ki “Kitya His Majesty the King of Bhutan ba India visit kurishey November 2023 deh, India laga Government ba announce kurishey ki extra MBBS laga seat kan toh Bhutanese student kan ke Assam laga state ba dibo. India laga Embassy ba kushi ba inform kurishey ki, duita MBBS laga seat kan Gauhati Medical College (GMC) deh Bhutanese student kan karney rakhina ase, aro teenta extra MBBS seat kan bi Assam laga Medical college kan deh Bhutanese student kan karney reserve rakhi dina ase, as per National Medical Council aro NEET guidelines. Milaina itya panchta total MBBS seat kan Assam laga medical college kan deh Bhutanese student kan karney rakhi ase. Royal Civil Service Commission, Royal Government of Bhutan aro India laga Embassy laga madot ba Thimphu deh eligible thaka candidate kan ke shortlist kurishey. Etu step lwa toh India-Bhutan laga STEM education aro skills development laga area ke mazboot kurey.
Assam Government ba aro teenta MBBS seat Bhutanese student kan karney reserve rakhishey medical college deh 
