Guwahati: Assam,Karimganj Lok Sabha constituency laga district election officer (DEO) suspend kaishey Bharatiya Janata Party(BJP) candidate ke panchbar electronic voting machine(EVM) ba vote diya karney. Assam, Karimganj Lok Sabha laga DEO laga harkat ba election deh vote scam kina kurey expose kuridishey. Video lui nah ase panchbar misa meshi vote kura laga. Ekta official statement ba kwa hisab de video record kura toh April 26 mock poll hwa time deh luishey koishey, asli election start noha time deh. Mamla toh investigate kurina ja time deh, DEO ba presiding officer, Nazrul Haque Tapadar ke suspend kuridishey, kaam deh dhyan nida aro duty thikba nukura karney. Suspension laga order ba presiding officier laga galti, phone kan polling booth deh luijaina aro video footage toh mobile deh capture kurina toh highlight kurishey. Video record kura toh social media platform kan deh thik ba circulate kurishey. Tadey Abdul Sahid, polling agent ba Independent candidate Abdul Hammed ke represent kurina repeat repeat button dabaishey BJP candidate MP Kripanath Mallah ke panch bar. Procedure hisab ba polling agent kan ba olop vote cast kuriboley allowed ase mock poll deh. Alag polling agents laga statement bi huniboley baki ase. Enaga DEO laga statement ba koishey.
Karimganj deh BJP ke panchbar vote diya karney suspend hoishey election officer
