Agencies, 05 November: Sunday din India’s Shubhankar Dey pora SaarLorLux Open Badminton Championship Super 100 badminton tournament jetise. Tai pora fifth seed Rajeev Ouseph logode 21-11 21-14 pora jeti lowah thakise aro tai jun laga khel toh 34 minutes time deh kothom howah thakise. Shubhankar toh Ouseph logode first btime log kora laga ase aro tai first game deh eku dekthari napowah thakise. Tau seven points par-par jeti kena first game toh 21-11 pora jeti lowah thakise. Second game time deh 37 rank Ouesph toh gara pora korai ahha thakise. Hoilebe 64th rank India pora five points par-par jeti kena competition kothom howah thakise. Shubhankar pora tai laga life deh etu toh sobse dangor jeta wala ase koise. Tai khel time deh ektum dukh koribole olabo pari koi kena bhabuna kori thakise koise. Hoilebe katha hoijaise koise. Tai khel ektum phal pora khelise aro tai etu deh kushi pai ase koise.
Add Comment