DPDB pora ahibole district Sports week nemide plan korise

Agencies, 05 November: Monday din DCs conference hall Dimapur jaga deh Dimapur District  Planning and Development Board meeting toh Deputy Commissioner Dimapur, Sushil Kumar Patel  laga chairmanship pethor deh lowah thakise.  Last DPDB meeting time laga saijai kena ADC Dimapur Alber Ezung pora House deh kowah toh, ADC Dimapur pora head kori kena organising committee bona toh last DPDB meeting  time deh mana nesana Dimapur district departmental Sports week deh sai jabo karni korise. Albert pora HODs laga sob departments logode khelari laga file form toh 14th November 2018 pora submit koribole janaise. Tai aro janaideya toh, etu sal laga sports week deh Football aro carom be melaidese. Participating teams/ players khan nejor laga jersies manage koribo lagibo aro tai khan laga department’s sports week flag be annibo lagibo. Sports week toh 21st pora 23rd November tak Nagarjan Government High School Dimapur jaga deh lobole ase koikena Ezung pora janaise. Societies register koribole laga agendas toh plan korise aro House pora Government logode etu agendas pothaidebole ase. Meeting time deh team e-circle pora power point presentation laga motob pora E- waste management laga kotha janaideya thakise. Nagaland’s First Authorised Electronic waste collection center pora e-waste toh jama kori aro India laga recycling company deh transport kori. Tai kkhan laga services deh buying, disposing e- waste ethically aro carrying out sensitisation programmes be meli kena ase. E-waste management nemide citizens khan +91 7005811236/+91 8575662203/ +91 8794549067  deh contract koribo paribo. Meeting toh chair pora thanks janai kena kothom hoise.