S.C Jamir pora Mayangnokcha Awards diya ceremony manaidese

MOKOKCHUNG, NOVEMBER 5 : Mayangnokcha Awards laga 25^th Presentation Ceremony toh Academic Excellences karne manaise. Etubi Mayangnokcha Higher Secondary School, Mokokchung te 2^nd November 2018 te. Etu din te Special Guest karne Dr. S.C. Jamir ahese. Aro tai etu din te kotha kurikena ami kan sob etu 21^st Century te thaka toh ekta bhal (privilege) kotha ase. Etu karne etu nesena chulti pora botli hua aro ekjun-ekjun ke khilaf kurikena thaka ke hisha kurikena ekdam husir pora thakibole kuribi. Aro ami kan laga babuna toh komjur nahui kena bhal babuna pora thik te kam julai kena ahkete jabole kuribo lagi koi kena janaide thakise. Tai bi aji-kali laga jawan kan toh ahebole laga Leaders nemite hi ase. Aro aji-kali laga duniya hisabte ami kan ene ashani pora ami kan laga babuna te ahejabole nabaribo. Etu karne neju babuna te punjibole karne bhal koilebi sobse bhal wala ekta hobole lagi koi kena janaide thakise.

Tai bi ami kan Naga Society majutte ekdam nahua huikena thaka toh ami kan Naga kan ami kan kuntoh rasta te jai ase najani. Etu ami kan kutte jai ase etu rasta hisabte najai. Ulta nahua rasta te hi jaijai koi kena janaise. Tai bi manu kan kechara pora (creed) soku andah huikena aro etu porahi ami kan manu majutte nahua chamala (corruption) huijai. Etu karne tai ami kan society te bhal rasta te anedebole karne Youth kan ekdam husir pora mon khola-kholi thakibole kuribi aro husa mon porahi ahkete ahebole kuribi koi kena janaise koise.

Etu Roll of Honour MAT 2018 Awards aro Recipients kan toh kobi, Mayangnokcha Award for Academic Excellence, the Overall Topper (Vivotsonuo Sorhie) Mezhur Hr. S.S, Kohima, MAT-NE-Sun Award for the Subject Topper in English (Vivotsonuo Sorhie) Mezhur Hr. S.S, Kohima, MAT-Rockdale Award for the Subject Topper in Ao (MIL) (Imnanuken Jamir) Queen Mary Hr. S.S, Mokokchung, MAT-YRSD Award for the Subject Topper in Social Sciences (Neingusanuo Kire) Northfield, Khikha, Kohima, MAT-TIR YIMYIM Award for the Subject Topper in Science (Vivotsonuo Sorhie) Mezhur Hr. S.S, Kohima, MAT-EFoM Award for the Subject Topper in Mathematics (Vivotsonuo Sorhie) Mezhur Hr. S.S, Kohima kan ase koise.