Itanagar, 11 May : Ekta major breakthrough dey, capital police para interstate sex trafficking bust kurishey, minor maiki khan milaina, 4 jun ke rescue kurishey, 15 ke arrest kurishey, traffickers, pimps aro sexual assailants milaina.
SP Capital, Rohit Rajbir Singh para reporters ke kuishey ki itu 4 minor maiki khan ke itu pimps para lure kurishey, taikhan ke forcefull sex dey indulge kurishey, Chimpu dey capital police para rescue kurisjey, yatey osor dey May 4. Itu minors, A (15), B (10), C (15) aro D (12) toh Dhemaji district, Assam para asey.
Tai kuishey ki itu minors ke Chimpu area dey Techi Ania aro Jamlo Tagung laga ekta alleged brothel cum residence para rescue kurishey. Aro itu maiki khan ke Assam dey para tuita sisters, Pushpanjili Mili aro Purnima Mili para smuggle kuri thakishey. Sob arrested aaropi toh police custody dey asey aro itu rescued minors ke ekta shelter home dey shift kurishey medical aro mental care karney.
Digital, financial, aro physical evidence laga investigation homoi, police para 8 customers ke arrest kurishey kun itu minor laga sexual assault dey milaina thakishey.
Rido Nime (RWD driver), Debia Tara (Accountant NRHM, Yupia), Michi Tabin (JE, RWD), Bamang Taya (Driver at Social Forestry Division), Sushil Seal (Maruti Arena dey Sales Manager), Takam Langdip (AE, PWD Boleng), Neelam Mangha (Ex-ZPM Pistana) aro Dr Senlar Ronya (Deputy Director, DHS) ke police para arrest kurishey.
Add Comment