DIMAPUR, NOVEMBER 5 : Nagaland Voluntary Consumers’ Organisation (NVCO) pora Nagaland Sorkar kan ke ami kan state te chulti pora Lokayukta toh anedebole kuribi koi kena janaise. Etubi Vigilance Awareness Week laga naam pora State Chief Secretary logot kotha bata time te. Aro NVCO porabi Sorkar kan etu Lokayukta chulti pora anede kena Nagaland state te ki-ki corruption chamala kan besi thaka ke thik pora saidebole kuribi koi kena janaise.
NVCO bi Governor aro Chief Minister 2 jun pora Vigilance Awareness Week time te tai kan Sorkar kan ami kan state Corruption chamala thaka toh sob hataidebole kuribo koa ke besi edia toh ekta bisas rasta te ahejai ase koise. Etubi Corruption chamala kan Nagaland edia toh sob saidebole ase koi kena.
NVCO President Kezhokhoto Savi pora khobor te janaidiya hisabte ami kan khali muk pora koa ekela nahui kena kam te husa kebi julabole kuribo lagi. Etu huile hi Central Vigilance Commission kan Vigilance Awareness Week manabole kura laga Primary Objective toh husa ke aheja hobo koi kena. Aro etu pora Good Nation nemite husa kebi kam te juli kena aha hobo koi kena janaide thakise.
Add Comment