Assam, May 11: Duniya deh Mother’s Day celebrate kura time deh ekta asorit ghatna huishey. Sivasagar district laga under, Amguri, Rajabam Dibruwal deh ekta chokra tai laga amma ke jui wa jolai dishey.
Bina Gogoi koina victim thakishey, naam toh Melangani bi koi aro tai toh ekta tragic incident deh tai laga bacha laga haat para life toh end hui jaishey. Bina toh 60-year-old takishey aro taikey ekta horrific act deh jolaidishey aro etu para Amguri laga community deh uthishey gusa aro hoishey hungama.
Ekta tadey laga resident para media deh address kurishey, “Ami jui toh dur para dikishey aro tadey ki hoi ase kurina saboley jaishey. Ami Manas ke lathi luina jui laga osor deh buhina dikhishey, taikey huda time deh taiba amike kuishey ki ‘Ami para ami laga ama ke jolaidishey’ Ami ba taikey duibar, teenbar repeat hudishey ki tai para enaga kiley kurishey hoilibi taiba same kota he koishey ki ‘Ami para ami laga ama ke jolidishey’. Etu peche deh ami para police ke inform kuridishey.”
Etu ghatna toh Saturday rati deh huishey, aro etu para tadey elaka laga ghor manu kan ke pura stunned kuri dishey aro tadey laga community manu mura laga dukh deh mourn kurishey.
Police para Manas Gogoi deh durishey, tai toh jolai diya amma laga chokra bacha tahkishey.Report ahishey ki chokra toh alcoholic takishey aro tai para tai laga ama ke bi physical torture di takishey.
Local kan para direct authorities kan ke alert kuri dishey etu ghatna karney aro killer son toh Amguri police para duri loishey.
Add Comment