Guwahati, May 11: Guwahati Police para duita cyber criminal kan kedurishey, Papu Das aro Nizam Ali, taijun toh ekta dangor fraud scheme deh taikan laga haat thakishey koishey aro Victim kan para one week laga bitor deh Rs 2 crore chor kurishey.
Arrest hui ja manu laga naam toh Papu Das, Fatashil para aro Nizam Ali, Sonapur para ase koishey.Taikan para internet laga through aam admi kan laga bank account ke target kuri tahkishey koishey.
Duita cyber criminals kan para fake phone call aro messages laga through taikan laga victim kan ke chalak para bank information kan dhuriloi loi kuishey. Enaga kuri kuri na taikan para victim laga bank account kan access kurina total poisa 2 crore chor kuri loishey koishey.
Taijun para poisa chor kura toh chupaboley duijun para ekta current account deh poisa rakhishey koishey. Etu chalak para taikan ekta businessman laga current account ke Rs 25 lakh para rent kurishey, taike poisa toh ek hafta laga bitor deh wapas kuriwo koina promise kurishey.
Fraudulent incident kan laga report ahina, cyber police kan para ekta thorough investigation launch kurishey, police para etu peche deh businessmen kan ke interrogation kura start kurishey, etu fraud case kan deh haat thakiwo kuina. Enaga kurina janishey ke etu fraud scheme deh aro dangor ekta circle laga haat ase.
Add Comment