Manipur, May 10: Assam Rifle kan para May 12 deh inform kurishey ki taikan laga team aro joint operation Manipur Police laga team para milina Charangpat, Thoubal district, Manipur para charta manu kan kidnapped huija ke May 10 deh bachaishey.
Reporters kan logot kota koina, IGAR (South) para state kurishey ki rescue operation toh Bishnupur, Nambol deh etu charta kidnapped huija manu kan laga pakka (credible) information aha peche deh he launch huishey.
Personnel toh location deh thik punja peche deh, safely victim kan ke bachaishey aro police kan ke hand over kuri dishey investigation karney.
Microblogging site X, deh Assam Rifle kan para koishey,”Assam Rifles aro Manipur Police para milina 10 May 2024 deh charta kidnapped victim kan ke Manipur laga Thoubal District, Charangpat para bachaishey. Charta kidnapped victim kan ke safely rescue kurishey aro police ke hand kurishey.”
Police laga team para suspected vehicles kan case logot connection taka kan ke intercept kurina suspect kan ke arrest kurishey.
Assam Rifles laga team ba reporters kan ke koishey ki jitya moikan tadey laga location deh punjishey kidnappers kan toh panic kurina kidnapped kura manu kan ke charina polaishey. Further details kan ruki ase.
Add Comment