Bus ke hamla hua pora 5 jun murise

NEW DELHI, NOVEMBER 8 : Thursday din notun poisa ulaidiya laga 2^nd Anniversary thakise. Etu ke besi jun Opposition Party kan kobi, Congress President Rahul Gandhi, purana Prime Minister Manmohan Singh, Trinamool Congress Chief aro West Bengal Chief Minister Mamata Banerjee aro tusera Opposition leaders kan pora bessi khilaf kurikena hala-chila kuri thakise. Etubi etu notun poisa ula pora ami kan desh te pura-puri nahua kuridese aro economy line te bi sob shukaidese koi kena. Aro etu karne bi Congress Party kan pora etu din toh kala din (black day) koi kena matise aro Prime Minister Narendra Modi ke ami kan desh laga economy nahua kuridiya karne maaf mangebole kuribi koi kena janaide thakise koise.Etu karne etu Opposition Parties leaders kan laga kotha ke juwab de kena Finance Minister Arun Jaitley pora kotha deraise. Etu ke poisa notun ulaidebole kura toh sob ami kan desh laga bhal karne hi kura laga ase. Etubi kala poisa luikai kena thaka thuri kena pachaidebole karne koi kena janaise. Etu poisa notun ula toh November 8, 2016 te PM Modi pora khoborte kobi TV te pora 8:15 pm paji phale kotha kurikena etu purana poisa Rs. 500 aro Rs. 1000 toh hataide kena notun poisa toh November darek 8 porahi julabole suru hobo koi kena janaise. Etu ke tai bi etu notun poisa ula toh sob kala-poisa thuri babole aro atankwatti aro nahua chis kan nemite khushi-khushi motub nemite poisa de thaka rokhaidebole karne ase koi kena janaidiya laga ase koise.