May 21, 2024: Ukraine kan humanitarian aid laka time deh pichae giri ase, UN refugee agenct UNHCR para Monday din deh warning di shae. Karolina Lindholm Billing, kun Ukraine deh UN agency alak representative ase, tai para situation tho bia hui ase kui nah warning di shae. Tai para 4 million nishi nah manu kan puila para heh displace hui nah ase kui shae aro tateh kun bah kan tho bishi vulnerbal manu kan ase kui shae.
“Humanitarian assistance karne resources kan bishi komti ase, kile koile humanitarian needs tho aro uthi ase,” Lindholm Billing para kui shae.
Geneva deh taka AFP lokot interview lua time deh, tai para Ukraine deh international attention tho komti hui ase kui shae. Lindholm para 10,300 nishi nah manu kan keh border areas deh evacuate kuri di shae kui shae aro evacuation tho kuri taki bo kui shae.
Tai para manu kan bishi trauma aro shock lokot battle kuri ase kui shae. Taikan tho plastic bags deh taikan laka personal saman kan bhuki nah, jaka tho kanti nah chari ase kui shae. “Taikan sob pichae chari di shae aro etu tho bishi mun duk laka kotha ase,” tai kui shae.
Add Comment