Sevilla, 24 May : Barcelona para coach Xavi Hernandez ke Friday dey sack kurisheh, itu season Catalan giants khan ekta trophy bhi jitiwoley naparia piche dey.
Xavi para itu team laga final La Liga match dey charge luwo Sunday dey, Sevilla dey depart nakuria agey dey.
Former Bayern Munich aro Germany coach Hansi Flick toh Xavi ke podli kuriboley tip kurina asey.
January dey, Xavi kuishey ki tai season khotom huwoley homoi charina jawo, ekta strong form laga run piche dey, April dey tai aro president Laporta maanishey ki itu coach toh next campaign karney rukhibo, kitia tai laga contract June 2025 dey expire hui asey.
Huilewi, situation julti podli huishey kitia Spanish media reporting Laporta ke Xavi laga comments para gussa kuri dishey kun suggest kurishey ki itu financially-hamstrung club toj Real Madrid aro alag elite European sides logot compete kuriboley dukh asey.
Barcelona jaa season La Liga jitishey huilewi itia laga campaign dey title ke successfully defend kuriboley parianai.
Taikhan ke Paris Saint-Germain para Champions League laga quarter-finals dey para knock out kuri dishey, Spanish Super Cup final dey Real Madrid para girai dishey aro Copa del Rey det Athletic Bilbao para haraishey.
Add Comment