Agencies, 08 November: Thursday din Asian Airgun Championship laga 10m air pistol junior men’s event deh Indian khelari Saurabh Chaudhary toh top deh kothom hoise. 16 sal khelari toh Arjun Singh Cheema aro Anmol Jain logode meli kena 1731 total pora team gold jetise aro tai eight-man individual final deh 239.8 pora individual gold jetise. Etu pora tai tuita gold medals lobole pari kena ase. August moina Asian Games deh Saurabh toh gold medal jeta thakise. September moina World Shooting Championships deh aro jowah moina Argentina deh tai Youth Olympic Games deh gold jeta thakise. Second kothom howah bechide Arjun (237.7) toh silver medal jeta thakise aro Chinese Taipei’s Huang Wei-Te toh 218.0 score pora bronze jetise. Indian trio toh olob points karni World aro Asian Junior record miss hoise. Hoilebe Youth Olympic champion Manu Bhaker toh 10m air pistol final deh 196.4 score pora fourth deh kothom hoise. Abhidnya Patil be eight-woman individual final bonabole parise hoilebe tai seventh deh kothom hoise. Manu toh 579 score pora top deh qualified hoise Abhidnya toh 563 score pora fourth deh kothom hoise. Neha be 552 score pora 12th deh kothom hoise. Indian women’s Junior team deh Manu, Abhidnya Patil aro Neha toh meli kena total 1694 points pora silver medal joise. Tai khan China team laga 1704 points deh para nai. Etu competition pora India toh 10 medal lobole parise. Etu medal khan toh tinta gold, five silver aro tuita bronze medal ase.
Add Comment