T20 World Cup 2024: India Squad, Schedule, Timings, Venues

Florida, 30 May : Team India taikhan laga 2024 ICC Men’s T20 World Cup toh Ireland laga khilaf shuru kuri asey, Nassau County International Cricket Stadium dey New York, June 5 dey, kitia Rohit Sharma toh captain nishna tai laga agey ICC trophy jitiwoley aim kuri asey..

India toh June 9 dey taikhan laga second group khel dey Pakistan khilaf samna kuribo. Itu men in blue toh T20 World Cup dey taikhan laga rival upar 5-1 record asey. Itu high-octane clash nahua agey dey security uthai dishey.

India toh June 12 dey hosts USA ke khilibo, kitia taikhan Canada ke June 15 dey samna kuriboley Florida dey jagah podli kuribo.

Itu team toh June 1 dey Bangladesh laga khilaf tournament karney warmup kuribo.

India laga sob group khel toh 8:00 PM IST dey shuru huwo.

India toh Super 8 stage karney qualify huwoley Group A laga top two dey khotom kuribo lagibo.

Virat Kohli toh itu par kunwa astonishing records extend kuriboley bisaribo. Royal Challengers Bangalore star toh T20 World Cups dey 1141 runs logot all-time highest runscorer asey. Tai Pakistan laga khilaf 308 laga average bhi boast kurey.

Captain Rohit Sharma toh most runs tally (963 runs) dey fourth rank asey, aro tai aasani para second dey uthiwo paribo.

Bowling front dey, Ravindra Jadeja laga naam dey 21 T20 World Cup wickets asey, kitia Jasprit Bumrah (11) aro Arshdeep Singh (10) logot bhi double-digit tallies asey. 

Itu pura T20 World Cup toh India dey Star Sports aro Disney+ Hotstar dey broadcast kuribo.

Full India squad:

Rohit Sharma (c), Hardik Pandya (vc), Yashasvi Jaiswal, Virat Kohli, Suryakumar Yadav, Rishabh Pant (wk), Sanju Samson (wk), Shivam Dube, Ravindra Jadeja, Axar Patel, Kuldeep Yadav, Yuzvendra Chahal, Arshdeep Singh, Jasprit Bumrah, Mohammed Siraj.

India laga Group: Group A: Pakistan, USA, Ireland, Canada

India matches laga list :

1. June 1: Vs Bangladesh, New York, 8 PM IST (Warm-up)

2. June 5: Vs Ireland, New York, 8 PM IST (Group khel)

3. June 9: Vs Pakistan, New York, 8 PM IST (Group khel)

4. June 12: Vs USA, New York, 8 PM IST (Group khel)

5. June 15: Vs Canada, Florida, 8 PM IST (Group khel)