MUMBAI, NOVEMBER 10 : Manu kan ke khaa Tigress Avni (T1) ke puntuk maridiya karne kotha pora besi chamala ulai kena 1 habta huise. Etu bejete Centre aro Maharashtra state 2 jun pora etu chamala nemite thik pora saidebole karne alak-alak bhal Committees kan anede ase koi kena, Officials pora Friday din janaise.
Ekta toh National Tiger Conservation Authority (NTCA) ase. Etu ke Principal Chief Conservators of Forest S.H. Patil toh Chairman nemite ase, Bilal Habib koi kena Wildlife Institute of India pora member nemite aro Anish Andheria koi kena, Wilflife Conservation Trust laga President bi member nemite. Aro tusera Senior Official kobi Notin Kakodkar, Additional Principal Chief Conservator of Forest (APCCF) pora toh Convenor nemite ase koise. Aro tai kan sob ke Maharashtra Minister of Forest Sudhir Mungantiwar pora thik te etu nahua chamala karne saidebole kuribi. Aro etu chamala te etu manu pora hamla kura toh SOP kanoon hisabte manikena huina nahui etu janibole kuribi koi kena janaise.
Centre pora ula Panel toh Hemant Kandi, NTCA, Nagpur laga toh Convenor nemite aro O.P. Kaler, Senior Retired Wildlife Expert aro Jose Louies koi kena Deputy Director, Wildlife Trust of India 2 jun toh members nemite ase kosie.
Add Comment