Notun US sanction pora economy deh dekthari powah nai: Rouhani

Agencies, 10 November: Saturday din Iranian President Hassan Rouhani pora kowah toh, jowah hapta US pora sanctions toh Iran’s laga economy ke dekthari powah nai. Kelay koile tai khan pora poile be sanction korikena thaga karni. US President Donald Trump pora Iran logode arobe sanction kora toh Iran khan nuclear aro missile programs charibo karni kora laga ase. Rouhani pora ami khan logode sanctions kora toh economy ke eku effect howah nai koise. Aro tai khan pora poilabe sanction kori kena thaga karni ami khan logode etu par kelaaf kori kena sanction kora toh eku notun laga nai koise. Rouhani pora tai khan khali bank laga lamba list, tai khan laga branches, airlines aro tai khan laga planes he issue korise koise. Etu pora jani-powah toh tai khan khali Iranian nation psychologically deh effect koribole kosish kora laga ase koise. United States pora kowah toh tai khan khali eight importers logode olob time karni hee Iran tail kenibole manibo aro ketya Monday din sanction koribo etu time deh Tehran khan nuclear, missile aro regional activities rokhibo karni aim koribo. Rouhani pora Amirica khan Iran laga tail exports deh zero koribole naparibo koise. May moina Trump toh Iran’s 2015 nuclear deal pora olaija thakise aro Washington pora Iran logode first sanction toh August moina kora thakise.