Agencies, 10 November: Saturday din Indian wrestler Bajrang Punia toh 65kg category laga ranking deh world number one hoise. Etu season 24-sal Bajrang toh five medals jeti kena ase. Tai UWW list deh 96 points pora top rank deh ase. Table deh Bajrang toh aram pora agae jaga deh ase aro tai laga next second jaga deh Cuban Alejandro Enrique Vlades Tobier toh 66 points pora ase. Budapest Worlds laga semifinal time deh Bajrang toh Tobier logode jeta thakise. Third jaga deg Russia’s Akhmed Chakaev (62) ase aro notun world champion Takuto Otoguro (56) toh fourth jaga deh ase. Etu bechide Turkey’s Selahattin Kilicsallayan (50) toh fifth jaga deh ase. Top-10 deh Indian moda khelari khan majode khali Bajrang ekala ase. Hoilebe top-10 deh five Indian wrestlers maike khan ase. World Championship medal jeta Pooja Dhanda toh sixth rank de ase 52 points pora. Tai bronze loi kena ase. Women’s 50kg laga top-10 jaga deh Ritu Phogat toh 33 points pora ase. 59kg deh Sarita Mor toh seventh rank deh ase 29 points pora. Navjot Kaur (32) 68kg aro Kiran (37) 76kg category be ninth jaga deh ase.
Add Comment