June 16, 2024: Ekta Japanese climber, northern Pakistan laka sobse ucha mountain ekta uthi bole koshish kura time deh muri jai shae aro taila hari jah colleague keh bisari bole search tho itia b kuri ase, officials para Saturday din deh kui shae. Karrar Haidri, kun Alpine Club of Pakistan laka secretary ase, tai para rescuers kan Spantik Peak deh ekta daylong search operation kura piche deh ekta Japanese climber laka body retrieve kuri bole pari shae kui shae. Utu jaka kuto keh Golden Peak b mateh, tateh tuita Japanese climbers kan hari nah taka ase. Climbers kan mountain tho uthia time deh hari jai shae Wednesday din deh. Golden Peak thot tai laka distinct golden hue karne janeh, kuto sunrise aro sunset deh dikeh. Ekta statement deh, Shigar town laka ekta top administrator, Waliullah Falahi para Japanese climber laka body tho ekta safe location deh lui jai shae kui shae. Haidri para Pakistani authorities kan Islamabad deh taka Japanese Embassy lokot contact deh ase kui shae, muri jah climber laka identity confirm kuri bole.
Pakistan mountain expedition time deh ekta Japanese climber muri jai shae
