June 18, 2024 : Noklak town tey International Widow’s Day 2024 celebrate kurishey, 18th June 2024 tey, IETC laga Principal & SAMETI laga Director – Watila Jamir logotey, aru EAC Noklak – Kathyinla tatey Special Guest buhi kena. Itu programme toh hoiley, Hope Channel para organise kurishey, NStCB aru Noklak Town Baptist Church logotey collaborate kuri kena.
IETC laga principal & SAMETI laga Director – Dr. Watila Jamir para itu occasion tey kotha kuri kena, mention kurishey ki, moi khan laga traditional society khan tey, maiki khan toh nijey ke garib hoi kena thaka pai kitya tai khan laga mota khan muri jai. Bishi maiki khan toh inheritance aru rights napai, tai khan laga right aru abused para evict kuri diye.
Itu laga din tey, ahibi moi khan awareness banabo ahibi, itu widow khan laga problem khan opor tey, tai khan laga economic opportunity khan, health care aru legal right khan laga opor tey. Aru tai khan ke stigma aru discrimination hoi thaka tey para free kuribo, widow khan laga, moi khan laga society tey, tai para koishey.
Aru bhi, Jamir para koishey, moi khan nijey ke commit kuri loboley, resources aru policy khan develop kuribo, widow khan ke empower kuriboley, aru tai khan ke enable kuriboley, ekta life create kuriboley, aru tai khan laga bacha khan nimitey, tai khan laga mota muria pichetey, aru poverty laga ekta cycle end kuri kena.
EAC Noklak, Kathyinla para tai laga speech tey mention kurishey ki, Internation Widowa’ Day toh hoiley itu United Nations para launch kurishey, 2010 tey, awareness raise kuriboley, itu human right laga violation laga, kuntu toh maiki khan suffer kuri thakey, bishi country khan tey, tai khan laga mota khan muria pichetey.
