June 21, 2024: Russia laka nutun defense pact kuto North Korea lokot ase, etu protest kuri bo karne South Korea para Russian ambassador keh summon kuri shae. Friday din deh North Korea leader Kim Jong Un laka kara buni para revenge laka damki ekta issue kuri shae. South Korean activist kan border laka bar deh, anti-Pyongyang propaganda leaflets dura ballons kan patai shae. Etu hua piche deh warning tho issue kura ase. South Korea laka military para kun bah North Korean soldiers kan rivals laka land border cross kuri shae kui shae aro etu karne taikan warning shots kan fire kuri shae kui shae. Taikan para etu mohina deh enaka tho third time hui ase kui shae.
Wednesday din deh Moscow aro Pyongyang kan ekta pact punchi shae. Agreement laka isap deh taikan laka country hamla laka pitor deh ahi shae koile tho, alak country para hamla hua country keh mutual aid dibo. Aro Thursday din deh Seoul kan para taikan Ukraine keh arms dib oleh papna kuri bo kui shae. Etu kan hua piche deh heh summon tho ahi ase.
South Korea Vice Foreign Minister kim Hong kyun para Russian ambassador Gerogy Zinoviev keh summon kuri shae, Putin aro Kim laka majo deh taka deal deh, Seoul laka stance tho ki ase, etu kubo karne. Meeting time deh ki ki kotha kuri shae, etu tho Seoul laka Foreign ministry para kwa nai.
