Stan Lee 95 sal huikena murise

Editor aro Publisher, Marvel Comics laga Stan Lee toh November 12 Monday te murijaise. Etubi 95 sal huikena. Tai tai laga Career nemite 1939 porahi suru kura laga ase. Aro etu Career toh Timely Comics nemite hi huijaa laga ase. Eneka huikena Marvel Comics aro Co-Created Iconic Fictional Characters kobi Spider-Man, X-Men, Fantastic Four, Avengers, Hulk aro tusera kan besi ulabole kura ke tai hi ekta Creative Force thaka laga ase koise. Etu kan sob laga Superheroes kan toh ekta Blockbuster Films nemite hi anedese. Aro etu kan besi bhak toh Disney te Marvel koi kena 2009 sal te hi 4-billion Dollar hisabte mani kena botli huijaa bejete hi bana laga kan ase. Jua-Jua sal tai alak-alak bemar besi huikena thakise. Eneka huikena tai 95 sal hua bejete murijaise. Tai laga maiki Joan bi 2017 sal te hi murijaa laga ase. Etu pora edia toh tai laga maiki bacha ekela hi ase. Tai mura nemite besi jun Comic kitab laga Companies, Writers, Artists, Actors, Directors aro Fans kan pora last hisab janaide thakise. Aro tai laga bhal memories kan janaide thakise koise.