July 20, 2024: Ekta Experiential Learning Centre nahoilebi Innovative Learning through Virtual Reality (VR), Augmented Reality (AR), Animation, Visual Effect aru Modern Gaming toh hoiley inaugurate kurishey, Social Welfare nimitey Advisor – Wangpang Konyak para, 19th July, 2024 tey.
Advisor, Wangpang Konyak para tai laga speech tey itu sob manu khan ke appreciate kurishey, kun khan toh hoiley involve thakishey, itu project tey aru itu hosa para kuriboley para nimitey. Tai para koishey itu toh hoiley ekta dangor opportunity asey itu Mon laga manu khan karney, eneka nishina learn kuriboley laga facility thaka toh, kiley koiley itu toh hoiley Nagaland tey poila bar asey itu khula toh. Tai para itu bhi encourage kurishey, itu student khan ke, eneka nishina modern technology laga advantage loboley karney. Itu Nagaland laga education system toh hoiley bishi improve hoijaishey itya toh, apni kena purey itu he bishi important hoi jaishey, kotey purey utu para toh, tai para koishey. Konyak para itu bhi assure kurishey, ki, tai toh hoiley itu teacher khan aru student khan para problem khan face kuri thaka toh tai agey loijabo koishey, higher authority ke.
Add Comment