Temjen Imna Along Para Duita Ambulance Flag- Off Kurishey, PHC Mangkolemba Nimitey

July 21, 2024: Itu Primary Health Centre (PHC) Mangkolemba Sub-Division nimitey duita Ambulance laga Flag-off ceremony toh hoiley Tribal Affairs Department, Nagaland para implement kurishey aru Tribal Affairs laga Ministry para fund kurishey, kuntu toh hoiley Tribal Affairs laga Directorate tey para loishey, 19^th July, 2024 tey. Tourism & Higher Education laga Minister – Temjen Imna Along kun toh hoiley itu ceremony tey grace kurishey, tai para koishey, itu duita Ambulance laga precure kuria toh Japukong range Primary Health Centre (PHC) aru Tsurangkong range nimitey asey, Mangkolemba Sub- Division under tey, kuntu toh hoiley ekta achievement asey, aru ekta blessing asey, aru itu officer khan aru itu leader khan ke koishey itu range laga, responsible hoboley, itu manu khan educate kuriboley karney bhal governance opor tey. Itu minister laga speech tey itu bhi hope kurishey ki, Japukong aru Tsurangkong range kuntu toh hoiley 35 bosti para bhi bishi wala constitute kurey, itu osor laga bosti khan aru chutu mutu kaam kuria manu khan itu area tey, tai khan toh itu life- support ambulance para benefit hoi kena asey, kuntu toh hoiley available kuri dishey aru koishey, koishey itu toh ekta bench mark asey koi kena, hundred plus para bhi bishi PHC khan thaki kena, Nagaland, itu state toh hoiley excellence achieve kuriboley kusish kuriboley lagey koishey, health care tey, kiley koiley moi khan laga manu khan toh hoiley bishi poisa taka phekai, tai khan laga health care nimitey, alag district khan tey.