July 21, 2024: Former doubles world number one Leander Paes aro tennis broadcaster, actor and player Vijay Amritraj, first Asian men hui shae, international Tennis Hall of Fame deh gusi bole, Saturday din deh. India para first inductees kan tho British tennis journalist aro author Richard Eveans lokot join kuri shae, Hall of Fame laka enshrinement ceremonies deh. Paes para tennis deh naja time deh, tai football aro hockey kila tho yat kuri shae. “Enaka manu kan lokot deh stage deh kara kura tho muila sobse dangor honour ase. Etu manu kan muike bishi inspire kuri shae- apni Grand Slams jita karne nahoi, apni sport keh shape kura karne nahoi, hoile b dunia tho shape kura karne ase,” Paes para kui shae. “Etu Indian bacha keh hope dia karne mui thank you kubo mun jai.” Amritraj, tai 1970 para kila shuru hui shae aro 1993 deh retire kuri shae. Tai 15 ATP singles titles jiti shae, 399 matches kili shae aro dunia deh ekbar tho 18th ranked taki shae. Etu heh nahoi nah Davis Cup deh India keh motot kuri shae, 1974 aro 1987 sal deh. Paesm tai doubles aro mixed doubles deh 18th time grand Slam champion taki shae. Tai, 1996 Atlanta Olympics bronze medal b jiti shae. “Muila baba para kwa nishi nah, apni nijor keh biswas ase koie tho, apni work hard kuri b, apni khali prize money aro trophies karne passionate nata kibo, hoile b apni dunia keh inspire kuri bo karne kuri bo,” Paes para kui shae.
India laka Leander Paes aro Vijay Amritraj, Tennis laka Hall of Fame deh induct hui shae
