Paris, 25 July : Debutant Ankita Bhaka, Deepika Kumar nishna seasoned campaigners laga piche dey thakina sobse bhaal-placed Indian archer nishna ulaishey, Paris Olympics laga mahila individual recurve qualifications dey 11th paina, kitia itu desh para team event dey fourth khotom huina quarterfinal spot luishey, Thursday dey. Itu 26-saal Ankita toh 666 points logot top-ranked Indian mahila thakishey, kuntu laga piche Bhajan Kaur (22nd 559 points) aro Deepika Kumari (23rd 658 points) thakishey. Team event dey, India para 1983 points score kurina fourth spot luishey. South Korea para 2046 points logot itu standings top kurishey. China toh runners-up khotom huishey kitia Mexico para third spot luishey. Team standings dey top four directly quarterfinals dey agey jaishey, kitia 5th para 12th bheej dey thakia toh Round of 16 fixtures khilibo. India para quarterfinals dey France aro Netherlands maju dey contest jitia ke samna kuribo. Taikhan quarters clear kuriley, India toh heavyweights Korea logot semifinal showdown thakibo parey. Itu Korean mahila laga team toh Olympics dey invincible thakishey, three saal agey dey Tokyo dey ninth straight medal jitishey. Individual section dey, Korea laga Lim Sihyeon para 694 laga world record score smash kurina standings laga top dey uthishey, kitia fai laga compatriot Suhyeon Nam para 688 points score kurina second khotom huishey. China laga Yang Xiaolei toh 673 logot third thakishey.
Mahila laga Team Quarters karney India qualify huishey
