Dambulla, 26 July : Harmanpreet Kaur para lead kuria India mahila laga cricket team khan Saturday dey mahila laga Asia Cup 2024 laga finals dey pahunjishey, Nigar Sultana para lead kuria Bangladesh mahila laga cricket team ke agey semi-final match dey 10 wickets para haraina Dambulla dey. Itu competition dey itu ekta third ten-wicket jeet thakishey jaa five matches dey. Khali 81 runs khedaina, Indian openers Shefali Verma aro Smriti Mandhana para thee tempo steady rakhishey aro Bangladesh bowlers ke overpower kuriboley dianai. India para itu target khali 11 overs dey paishey kitia taikhan 83 score kurishey. Shefali para 26 off 28 score kurishey, kitia Mandhana para ekta unbeaten half century marirhsey – 55 runs off 39 deliveries, nine fours aro ekta six logot. Itu tuita batters bhi unbeaten thakishey. Renuka Thakur Singh ke match laga khiladi kuina announce kurishey. India karney, Renuka Singh aro Radha Yadav para three wickets each uthaishey, kitia Pooja Vastrakar aro Deepti Sharma para ekta wicket each luishey. Details laga hisab dey, Asia Cup mahila T20 2024 laga final match toh 28 July dey thakibo Dambula dey, kutey India para second semi-final laga winner ke samna kuribo kuntu Sri Lanka aro Pakistan maju dey Saturday dey khilibo.
India para Bangladesh ke 10 wickets para haraishey, mahila Asia Cup 2024 semifinal dey
