India para fisherman laka death keh protest kuri ase

August 1, 2024: Thursday din deh india para Sri Lanka lokot deh ekta strong protest lodge kuri shae. Etu protest tho ekta Lankan naval vessel aro Indian fishing boat majo deh laka laki hua karne ase, kuto para ekta fisherman keh murai di shae aro alak ekta tho hari jai shae. External affairs ministry para Sri Lankan laka acting high commissioner, Priyanga Wickremesinghe keh mati shae, incident upor deh ekta protest register kuri bo karne, external affaris ministry para ekta statement deh kui shae. July mohina deh ekta Indian fishing boat keh seize kuri bo karne operation taki shae aro etu operation deh ekta Sri Lankan personnel muri jai shae. ETu hua piche deh tuita sides majo deh tension tho uthi nah ase. Thursday morning deh ekta Sri Lankan naval vessel aro ekta Indian fishing boat laka laki hui shae kui nah report ahi shae. “Chartha Indian fishermen para, ekta tho muri jai shae aro alak wala tho hari nah ase,” statement para kui shae. Alak tuita fisherman keh tho bajai di nah ase aro Kanesanthurai laka shore deh ani nah ase. Hari nah taka Indian fisherman kan karne ekta search operation kuri ase. Jaffna dseh taka Indian consulate laka officials kan keh Kankesanthurai deh jai nah, fisherman aro taikan laka kandan kan keh para tak motot kan dib oleh direct kuri nah ase.