Parliament building pitor deh rainwater leakage

August 1, 2024: Thursday din deh Congress MP Manickam Tagore para Lok Sabha deh ektra adjournment motion submit kuri shae. Tai para  Parliament building tho inspect kuri bo karne ekta specialized committee bana bo lakeh kui nah propose kuri shae. Tai para ekta video b share kuri shae, kuteh lobby pitor deh water leak hui taki shae. Taila notice deh, Tagore para Parliament lobby pitor deh hua water leak laka issue tho utha bo mun jai taki shae kui shae. Tai para incident tho building laka weather resillence lokot deh taka potential issue tho highlight kureh kui shae. “Etu address kuri bo karne, mui para ekta specialized committee form kuri bole propose kuri ase, kuteh sob parties laka MPs kan taki bo. Taikan building keh bhal para inspect kuri bo. Committee tho leaks laka cause deh focus kuri bo, design aro materials kan evaluate kuri bo aro necessary repairs kan recommend kuri bo. Etu laka upor deh taikan ekta maintenance protocol establish kuri bo aro taikan laka finding keh share kuri nah transparency ensure kuri bo,” Virudhunagar Mp para Lok Sabha laka adjournment motion deh kui shae. Samajwadi Party chief Akhilesh Yadav para etu kui shae,” Purana Parliament tho etu nutun lokot deh b bhal taki shae. Kuteh former MPs kan b visit kuri bole pari taki shae. Nutun parliament deh taka issues kan keh resolve nakura tak, purana deh kile najai.”