Cloudburst incident deh tuijun muri jai shae

August 1, 2024: Himachal Pradesh deh cloudburst incident hua piche deh, tuiun manu muri jai shae aro 50 laka upor manu kan hari jai shae. Enaka hua tho ekta major search aro resuce operation launch kuri bole laki jai shae. Samej Khad laka jaka deh ekta cloudburst hua tho achanak seh ekdum bia flooding cause kuri shae, National Disaster response Force, Indo-Tibetan Border Police, police aro home guards laka team kan rescue operation shuru kuri shae, Shimla Deputy Commissioner Anupam Kashyap para kui shae. Hari nah taka manu kan keh bisari bo karne drones kan keh chui ase kui shae tai para. Chief Minister Sukhwinder Singh Sukhi para situation tho bhal para jani bo karne ekta meeting lui shae. “Cloudburst incident tho 4:40 am phale hui shae. 50 nishi nah manu kan hari nah ase aro tuijun manu laka body tho recover kuri di shae. Aha 36 hours deh heavy rain hobo leh expect ase. DC,SDRF NDRF teams kan utu jaka punchi nah ase, Mui Union Home Minister lokot deh b kotha kuri nah ase,” tai para ANI keh kui shae.