NEW DELHI/MUMBAI, NOVEMBER 16 : India laga sob jaka te edia toh Dail laga daam toh namijai ase. Kele Crude Dail manga daam (rate) kan namijaa pora. Etu karne ahebole laga din te ami kan desh laga sob states te edia toh dail daam toh namijabole nesena ase koise.
Friday din New Delhi aro Mumbai te dail daam kan toh namijaise. Kele Crude Dail manga daam (rate) namijaa karne. New Delhi te Petrol dail daam toh Rs. 77.10 1 litre te manga huise. Etubi 18 paise pora namaidiya bejete. Aro Diesel dail Daam toh 1 litre te Rs. 71.93 manga huise. Etubi 16 paise pora namaidiya bejete. Aro Mumbai te toh 17 paise pora namijai kena edia toh Diesel dail daam toh Rs. 75.36 manga huise aro 18 paise pora namijaa karne Petrol dail daam toh Rs. 82.62 manga huise koise.
Etu dail daam kan namijabo koa toh kele koile United States kan pora edia toh 8 jun desh te Iran desh pora dail batabole nade kena thaka batabole diya karne ase koise. Etubi ekbar nemite. Aro etu 8 jun desh kan toh India, China, South Korea, Japan, Turkey, Italy, United Arab Emirates aro Taiwan kan ase koise.
Add Comment