August 25, 2024: Saturday din deh Inter Miami para FC Cincinnati laka against 2-0 jita time deh Luis Suarez tho form deh taki shae. Taikan etu jiti nah ekta MLS Playoffs berth keh secure kuri di shae. Kick off hui nah 323 seconds piche deh Suarez para score kura ase aro etu piche deh taila brace tho kotom kuri di shae, pas minute piche deh. Alak side deh, Miami lokot deb Messi taka nai. Messi tho itua jokom kai nah ase aro Copa America 2024 final piche deh ekbar b kila nai. Tai tho playoffs agae deh wapas ahi bole expect kuri ase. Agae deh Cincinnati para Miami keh thrash kuri shae, 6-1 score deh aro Suarez aro Co. kan revenge lubo karne ahi ase kui nah evident taki shae. Yannick Bright para Marcelono Wrigandt keh pai shae aro etu piche deh Argentine para ball tho Suarez keh pass kuri shae, kun para ball tho net deh gusi di shae. Etu piche deh Suarez aro Rojas majo deh ekdum bahl link-up play taki shae aro Uruguag International para 2-0 banai di shae. 2-0 banai dia tho Messi keh kushi kuri dia diki shae.
Luis Suarez score kura tho Lionel Messi keh impress kuri di shae
