Dhaka, Bangladesh, 26 August : Duniya dey cricket fans khan asorit huishey kitia former Bangladesh skipper Shakib Al Hasan ke ekta hatya case dey aarop kurishey. itu case toh report hisab dey Rafiqul Islam para file kurishey kun laga mota bacha Rubel toh August 7 dey Bangladesh dey itia chuli thakia protests dey murishey. itu case, kuntu Dhaka dey Adabor police station dey file kurishey, Shakib ke 28th accused dey naam dishey kitia former Bangladesh Prime Minister Sheikh Hasina bhi itu list dey milaina thakishey, kuntu dey 154 naam thakishey. Shakib toh itia Rawalpindi dey asey, Pakistan laga khilaf ekta 2-match series laga first Test khili asey. Huilewi, Rafiqul Islam laga lawyers para itia chuli thakia series para Shakib laga immediate removal demand kurishey. Reports hisab dey, Bangladesh Cricket Board ke ekta legal notice pathaishey, kutey lawyers para board ke cricket laga sob forms para Shakib ke ban kuriboley hudishey. BCB president Faruque Ahmed para kuishey ki Shakib karney first Test khotom hua piche dey ekta faisla luwo. Faruque Ahmed agey dey kuishey ki August 30 dey first Test khotom hua aro second Test shuru hua maju dey gap dey, BCB para ekta faisla luina thakibo.
Shakib Al Hasan ke ban kuriboley Bangladesh Cricket Board legal notice paishey
