Actor Darshan jail deh VIP treatment pai ase

August 26, 2024: Kannada actor Darshan Thoogudeep, kun itia Renukaswamy murder case karne jail deh ase, tai keh ekta video call deh diki shae, tai VIP treatment pai ase kui nah accusations aha piche deh. Taila ekra photo viral hui jia shae, kuteh tai prison deh beverages aro cigarettes enjoy kuri taki shae. Actor tho itia Bengaluru laka Parappana Agrahar central prison deh ase. Tateh taike casual kapra kan laka diki shae aro alak inmates lokot deh ekta beverage aro ekta cigarette enjoy kuri taki shae. Social media deh etu undated photo tho viral hui jai shae. Enaka hua tho prison department kan VIP treatment laka claims keh investigate kuri bole laki jai shae. Actor tho ekta 33 sal laka rickshaw driver laka murder karne accuse hui nah ase. Rickshaw driver, kun Darshan laka ekta fan taki shae, tai, actor laka partner, Pavitra Gowda keh hate message patai taki shae. Enaka hua karne tai ekta gang keh order kuri shae, Renekaswamy keh kidnap aro murder kuri bole.