US, 27 August : Iva Jovic, California para ekta 16-saal, US dey mahila laga main-draw match jitia agey American huishey. 2000 homoi para luina khula, Poland laga 2023 Australian Open semifinalist Magda Linette ke 6-4, 6-3 eliminate kurishey Monday dey. U.S laga Katrina Scott toh U.S dey ekta match jitia homoi khali 16 saal thakishey. Four saal agey dey khulia. Jaa saal, Russia laga Mirra Andreeva toh 16 thakishey kitia tai itu kurishey. Jovic toh bishi sports dey participate kurina uthishey, soccer, gymnastics aro swimming milaina. Huilewi taike tennis para gravitate kurishey, kuntu tai dangor didi logot Torrance, California dey apartment complex upar dey panaina thakia court dey khilina sikhia shuru kurishey. Tai U.S. Tennis Association Girls’ 18s national championship jitina saal laga last Grand Slam tournament dey main bracket karney ekta wild-card entry earn kurishey. Tai tatey Tyra Grant logot bhi pair kurina doubles title luishey, kuntu para taijun ke ekta wild card dishey, Flushing Meadows dey mahila laga doubles karney; USTA granted Jovic aro alag American teen, Kaylan Bigun, mixed doubles field dey bhi ekta spot. Jovic aro Grant eki logot milina January dey Australian Open laga junior doubles titles July dey Wimbledon jitishey; taijun June dey French Open dey bhi runners-up thakishey. Jovic laga favorite khiladi toh 24-time Grand Slam champion Novak Djokovic — tai Serbian asey, aro tai laga roots bhi; Monday dey tai laga news conference laga English portion khotom hua piche dey, tai Serbian dey jawaab dishey — aro Tokyo Olympics gold medalist Belinda Bencic.
16-saal Iva Jovic, US Open Main-Draw Match dey jitia sobse jawaan American
