Delhi deh NNPGs WC thanksgiving namaise

DIMAPUR, NOVEMBER 17 : Poila Nagas aro Gol majode ‘Agreed Position ‘ sign kora thakise. Etu sign kori kena ek-sal howah karni Saturday din New Delhi jaga deh thanksgiving programme loise. Convener, NNPGs WC aro Ato Kilonser GPRN/NSCN, N Kitovi Zhimomi pora aji kali Naga political dukh pai thaga toh notun stage deh kushise koise. Gol aro Nagas majode ‘Agreed Position’ nahoile ‘Preamble’ toh November 17, 2017 deh sign kora thakise. Nagas laga historical aro political status deh arosai jai kena ahhibole din phali Nagas pora kotha koribole aro bonabole paribo. Media cell, NNPGs WC pora janaideya toh, ek-sal deh, Gol aro WC majode political laga kotha 50 round naponji kena kotha korise. Sob issue toh practical manner pora ektum hosiyar kora thakise. Khobor janaideya toh, sob glory aro honor toh Isor karni ase. Ami khan Naga manu khan pora support aro prathana kora ke kushi pai ase. NNPG leaders laga duty toh Isor opor deh ase aro ami khan manu laga aim thek koribole laga ase. Leaders khan alag-alag political thoughts, ideas aro  political principles pora ahhise koilebe Isor pora sob Nagas leaders khan laga demak ke ekta permanent hatyar korise. Etu pora sob meeting dehbe leaders khan patient, courteous, accommodative aro humble pora agae loijaise. Etu pora GOIs guiles aro  political aspiration debe Isor pora final rasta khulidebo koikena biswas kori ase. Kitovi pora kowah toh, Naga manu khan jaija time deh ektum dukh pai thakise aro sob leaders khan etu dukh pai thaga responsibility toh lobo lagi. Jaija sal time deh Isor pora besi civil societies, hereditary custodians aro intellectuals deh jolai thakise. Isor pora jolai thaga karni NNPGs logode sabole reason paise. Isor pora rasta khula karni NNPG leaders khan majode dekthari pabo thaga sob hataidese. Naga Political dukh pai thaga etya notun stage deh kushise. Tusara leader khan service time deh kotha kora toh co-convener Y Wangtin Naga, president NSCN(R); co-convener Hozheto Z Chophy, general secretary NNC/GDRN; co-convener Kiumukam Yimchunger, president, NNC/NPGN aro co-convener Toshi Walling, NNC (Parent Body) thakise.  Co-convener Zopra Vero, Kedallo FGN toh tusara duties nemide service thakibole paranai. NTC peace mediation convener aro purana NSF president Yesonu Veyie be prayer programme time deh thakise.  Etu time deh tai pora jaija time deh Naga manu dukh powah aro Isor pora leaders khan logode ekta anna pora aji khan phal howah kotha koise. Tai pora Naga leaders khan logode Isor ke ektum gara pora biswas koribole janaise. Kelay koile Isor pora hee Naga manu khan ke ashrut kum koribo koikena. Programme time deh Alezo Venuh, co-ordinator WC toh chaired thakise.