India, 28 August : India laga Grandmasters D Gukesh aro R Praggnanadhaa taijun, Sinquefield Cup dey bishi khel dey eighth draw khilishey, kuntu Grand Chess Tour laga ekta part asey. Kitia World Championship challenger Gukesh para Holland laga Anish Giri logot khali 23 moves dey peace panaishey, Praggnanadhaa bhi itu piche dey local favourite Fabiano Caruana logot 28 moves dey draw kurishey. Kitia eighth round dey sob khel draws dey khotom hui asey, France laga Alireza Firouzja para ekta round pachia thakina Grand Chess Tour jitishey aro tai laga successful stint piche dey USD 100,000 bonus karney entitled thakishey. Eighth round dey, Firouzja para lamba khel khilishey kuntu Russian Ian Nepomniachtchi khilaf 80 moves piche dey peacefully khotom huishey. Itu ten-khiladi double round-robin tournament dey din laga alag tuita khel dey, Uzbekistan laga Nodirbek Abdusattorov para China laga Ding Liren logot points split kurishey aro France laga Maxime Vachier-Lagrave toh United States laga Wesley So logot draw huishey.a Alireza para tai laga tally ke ekta unassailable 5.5 points dey lui jaishey eight khel para, aro Caruana toh ekela khiladi asey kun para taike points table dey dhuribo pari asey, Alireza tai laga final bout Praggnanandhaa khilaf haarina aro itu American para nijor Giri ke haraishey. Third place toh five khiladi para four points apiece dey share kuri asey. Taikhan toh Gukesh, Praggnanandhaa, Vachier-Lagrave, So aro Abdusattorov asey. Results round 8: Ian Nepomniachtchi (Fid, 3.5) Alireza Firouzja (Fra, 5.5) logot draw huishey; Ding Liren (Chn, 3.5) Nodirbek Abdusattorov (Usa, 4) logot draw huishey; R Praggnanandhaa (Ind, 4) Fabiano Caruana (Usa, 4.5) logot draw huishey; Maxime Vachier-Lagrave (Fra, 4) Wesley So (Usa, 4) logot draw huishey; Anish Giri (Ned, 3) D Gukesh (Ind, 4) logot draw huishey.
D Gukesh, Anish Giri logot draw; R Praggnanandhaa, Fabiano Caruana ke hold kurishey
