Bengaluru, 28 August : Star wicketkeeper batter KL Rahul ke ahi thakia Indian Premier League (IPL) season 2025 karney Lucknow Super Giants (LSG) para retain kuriboley asey, ekta captain nishna. IANS para buji asey ki Rahul itu role para nami jaa toh captaincy pressure toh main karaan asey kitia tai bat logot bishi wala contribute kuriboley mun asey. Huilewi, itia uncertain asey kun para IPL 2025 laga ahi thakia edition dey itu team ke lead kuribo. Lucknow franchise osor thakia sources para confirm kurishey ki Rahul ke retain kuribo huilewi captaincy role toh uncertain asey; Krunal Pandya aro Nicholas Pooran toh tuita dangor naam asey kun itu race dey asey. Monday dey Rahul para Goenka logot tai laga office dey log paishey Alipore, Kolkata dey. Taijjn bhi four gondha nishna karney lamba discussion luishey kuntu piche dey Rahul Bengaluru, National Cricket Academy dey jaishey, tai laga Duleep Trophy practice shuru kuriboley. Rahul toh Team ‘A’ karney khilibo kuntu Shubman Gill para captain kuribo.
KL Rahul ke Lucknow Super Giants para retain kuriboley asey
