India, 29 August : South American football toh Tuesday dey mourn kuri thakishey, Uruguayan defender Juan Izquierdo muria piche dey, kun jaa haafta ekta Copa Libertadores homoi pitch dey ekta irregular heartbeat karoney collapse huina murishey. Itu 27-saal toh August 22 dey Brazilian side Sao Paulo khilaf Nacional laga khel homoi collapse hua piche dey para luina medical treatment lui thakishey. Izquierdo toh 84th minute dey eku khiladi logot contact nahina ground dey unconscious huina girishey. Taike pitch para ulaina ekta ambulance para hospital lui jaishey kuntu piche dey taike Albert Einstein Hospital laga intensive care unit dey treatment dishey. Itu hospital para ekta statement dey kuishey ki Izquierdo toh brain death karoney murishey, ekta cardiopulmonary arrest piche dey kuntu cardiac arrhythmia logot associated asey.
Uruguay footballer Juan Izquierdo, match homoi collapse kurina murishey
