Suhas Yathiraj, Nitesh Kumar, Para Badminton Semi-Final Spots seal kurishey

Paris, 30 August : Tokyo silver medallist shuttler Suhas Yathiraj aro Nitesh Kumar taijun laga impressive run chari rakhina  men’s singles SL4 aro SL3 semifinals dey spots luishey, yatey Paralympics dey Friday. Suhas, ekta 2007 batch IAS officer, Korea laga Shin Kyung Hwan ke tai laga second match dey 26-24, 21-14 haraishey, SL4 category dey three-man Group A top kurishey. Itu homoi, Nitesh, ekta 29-saal IIT Mandi graduate, China laga Yang Jianyuan ke ekta convincing 21-5, 21-11 jeet logot dominate kurishey, kuntu para SL3 category laga four-man Group A det ekta top-two finish ensure kurishey. SL4 class dey, itu group toppers toh last four dey ghusishey, kitia SL3 class dey, each tuita groups para top tuita khiladi semifinals karney qualify huwo. Nitesh, kun 2009 dey ekta accident karoney ekta permanent theng damage suffer kurishey, next Thailand laga Bunsun Mongkhon ke final Group A match dey samna kuribo. Huilewi, Manasi Joshi aro Manoj Sarkar karney itu ekta disappointing din thakishey, kitia taijun bhi second consecutive haar samna kurishey, kuntu para taijun laga respective groups dey semifinals pahunjiwoley laga chances khotom kuri dishey. Manasi, 2019 World Champion, Ukraine laga Oksana Kozyna khilaf olob para 21-10, 15-21, 21-23 haarishey tai laga second mahila laga singles SL3 Group A match dey. Tai agey dey tai laga opening match toh Indonesia laga Qonitah Ikhtiar Syakuroh khilaf Thursday dey haarishey. Tokyo bronze medallist Manoj bhi alag setback samna kurishey, Bunsun khilaf tai laga second Group A match dey 19-21, 8-21 haarishey. Manoj agey dey compatriot Nitesh khilaf Thursday dey haarishey aro Yang ke Friday dey log paishey. Itu SL4 class toh lower limb impairments aro chutu balance issues thakia athletes karney designated asey, kitia SL3 class toh severe lower limb disabilities thakia khiladi karney asey kun ekta half-width court dey khilibo lagey. Thursday raati dey, Nitesh aro Thulasimathi Murugesan ke Indonesian pair Ramdani Hikmat aro Oktila Leani Ratri para 15-21, 8-21 haraishey taikhan laga second mixed doubles SL3-SU5 group stage match dey. Suhas Yathiraj aro Palak Kohli bhi France laga Lucas Mazur aro Faustine Noel khilaf taikhan laga second Group A mixed doubles match dey 15-21, 9-21 haarishey. SU5 class dey upper limb impairments thakia athletes milaina asey.