Paris, 30 August : incredible Avani Lekhara toh tuita Paralympic gold medal jitia agey Indian mahila huishey, mahila laga 10m air rifle (SH1) event dey tai laga jeet logot Friday dey kitia compatriot Mona Agarwal para ekta bronze luishey. Three saal agey dey Tokyo Paralympics gold laga winner, Avani, 22, ekta superb 249.7 shoot kurina Japanese capital dey 249.6 set laga nijor record mitai dishey, kitia Mona, kun 2022 dey shooting sport luishey, bronze karney 228.7 uthishey. Avani, kun 11 saal homoi ekta gaari accident puche dey waist para luina paralysed asey kuntu karoney tai wheel-chair bound asey, desh para Tokyo Paralympics 2021 dey shooting dey medals jitia agey Indian mahila huishey. Shooting dey SH1 category dey athletes milaina asey kum taikhan laga haat, lower trunk, theng dey movements affect huina asey mahuiley limbs nai. Qualification dey, defending champion Avani para 625.8 shoot kurina Iryna Shchetnik laga piche second huishey, kun 627.5 laga ekta score logot Paralympic qualification record phangaishey. Mona, two-time World Cup gold medallist tai laga maiden Paralympics dey compete kurina, qualification dey 623.1 shoot kurishey aro fifth place dey final dey ghusishey.
Shooter Avani Lekhara, Paris Paralympics dey Gold Medal logot itihas likhishey
