Tripura: Chukri ekta laga gao India-Bangladesh border osor tey paishey

Agartala, Sept 03: Border Security Force (BSF) chukri ekta laga gao northern Tripura tey India-Bangladesh border la kinar tey paishey Monday din tey. Etu muri jaa manu toh, 16 years old nishena hobo kuina vishwas kura, ke Kailashahar, Unakoti district tey Latiapura border outpost osor tey paishey. Preliminary investigations khan para suggest kure ki etu chukri toh Bangladeshi national ekta thakishey Moulvibazar district tey Kulaura police station laga under tey thaka Juri area para. Tai ke toh approximately 50 meters border fence laga bahar tey para dekhishey, duita (2) desh laga majo tey zero point osor tey. Etu gao paa tey, 199 Battalion  para BSF personne khan Kailashahar tey Irani police station ke notify kurishey. Senior police officers khan forensic experts khan logo tey utu jaga toh visit kurishey aru, Magistrate ekta laga aagey tey, gao toh recover kurishey ekta post-mortem examination karne Kailashahar district hospital tey. Etu chukri laga death laga exact circumstances  khan toh itya bi under investigation thaka time tey, kunaba media reports khan para claim kure tai ke Border Guard Bangladesh (BGB) troops khan para guli mari dishey tai Indian territory tey illegally ghusi bole koshish kura time tey. Recent months tey, Tripura Bangladesh para illegal border crossings khan uthi jaa toh dekhi bo paishey. 300 opor Bangladeshi nationals khan ke dhuri luishey alak alak security agencies khan para,  BSF ke bi milai, etu state tey. BSF toh itya tai laga Bangladeshi counterparts khan logo tey coordinate kuri asey etu hatsa opor tey aru bishi information jama kuri bole aru muri jaa laga identity toh confirm kuri bo karne.