Bombay HC para police keh ekta watertight case bana b kui shae, Badlapur sexual assault case deh

September 3, 2024: Tuesday din deh Bombay High Court para tuita maike laka sexual assault keh investigate kura police team keh.ekta “watertight” case bana b kui shae aro public pressure deh charge sheet file nakuri b kui shae.Ekta division bench kuteh, Justice Revtai Mohite Dere aro Prithiviraj Chavan ase, taikan para mota majo deh awareness utha bo lakeh kui shae. Justice Dere para ekta government slogan keh chui nah etu kui shae,” Bete ko padhao, beti ko bachao tho mota kan keh hika bole zaruri ase”.Jua mohina, bench para incident laka suo moto cognizance lui shae, ekta mota para tuita char sal laka maike keh assault kura piche deh, school laka washroom pitor deh. Advocate general Birendra Saraf, kun government keh represent kuri ase, tai para Tuesday laka hearing time deh, ekta chargesheet keh file kuri bo kui shae.Bench para ekta special investigation team (SIT) keh constitute kuri shae kui nah observe kuri shae, local police kan para case tho bhal para investigate nakura karne aro ekta kara public outcry b taka karne.”Etu tho ekta case ase. Etu case tho sob future cases karne ekta example set kuri bo. Public kan sai ase aro mukan ki message dibo, etu important ase,” court para kui shae.”Chargesheet tho tara tari file nakuri b. Itia b time ase. Public pressure para kam tho nakuri b. Chargesheet tho file nakura agae deh investigation tho bhal para kuri bo lakeh. Chargesheet tho file nakura agae deh, sob tho order deh ase nah nai, etu sabi. Ekta watertight case bana b,” judges para kui shae.