Dibrugarh Police online scammer ke arrest kurishey

Guwahati, Sept 04: Assam Police state laga Dibrugarh district para ekta man uke arrest kuri loishey cyber investment scams laga related case ekta tey. Arrest kuri loa accuse kura Ranjit Kakoti toh koa nishena iman crores laga puisa chor kuri loishey manu khan laga scores khan para tai khan ke stock market tey invest kuri bole tempt kuri kena significant profits la promise ekta logotey. Kakoti toh itya police para huda hudi kuri asey aru pichey Wednesday (September 4, 2024) tey court ekta laga agey anibo nishena asey. “Ami khan Ranjit Kakoti ke othai loishey tai laga khilaf complaint ekta paa pichey. Tai arrest hoi jaishey aru itya firm Trading FX la naam tey online investment scam ekta la connection tey huda hudi kuri di asey,” ekta senior police official para kuishey. Victims khan laga hisab tey, Kakoti, Dibrugarh laga Jibon Phukan Nagar la resident ekta, koa nishena tai laga online investment fraud network toh Assam pura tey phelai dishey. Koa nishena tai toh hundreds manu khan ke dhukaishey aru crores laga puisa chor kurishey. Arrest kuri loa accuse kura Ranjit Kakoti Accuse kura, kun koa nishena puisa na thaka manu khan ke tak bi chara nai, manu khan ke dhukai kena bishi dhun jama kuri loishey. Victims khan toh itya tai khan laga puisa toh wapas mangi asey aru  accuse kura ke kara para saza dibole. Kakoti laga arrest toh koi thaka alak scammer ekta Bishal Phukan, kun toh ironically eki town para asey, laga arrest la olop din pichey ahishey. Phukan toh itya police custody tey asey. Alak side tey toh, actor Sumi Borah, kun koa nishena Phukan ke maddat kurishey etu online investment scam tey, toh agey ola arrest hoa time para polai asey. Tai laga phone toh switch off thaki asey kuina report hoishey. Police toh itya Borah laga bhai ke matishey huda hudi kuribo karne. Itu time tey, Dibrugarh police ekta dangor crackdown online scammers  khan laga khilaf launch kurishey aru bishi suspects khan ke othaishey huda hudi karne.