Assam CM Citizens’ List nemite Rajnath Singh ke lok kurise

GUWAHATI, NOVEMBER 17 : Assam Chief Minister Sarbananda Sonowal toh Union Home Minister Rajnath Singh ke New Delhi te Sunday din lok kurise. Etubi National Register of Citizens (NRC) ula aro Citizenship Amendment Bill 2014 anedebole kura chamala nemite kotha kurikena karne. Aro etu time te Assam Finance Minister Himanta Biswa Sharma aro BJP president Amit Shah 2 jun bi thakise koise. Asul khobor hisabte etu Assam CM pora Union Home Minister ke etu NRC mana toh Supreme Court laga kotha hisabte hi manabole kurikena mana laga ase. Aro etu nemite kun-kun naam te anedebole ase aro kun-kun naam nathaka kan khetaidebole ase etu kan nemite bi thik pora saidebole kurikena ase. Aro etu saide kena thik pora hisab kuribole laga toh December 15, 2018 last ase koi kena janaise.Assam te July moina phale etu NRC manabole kurikena thakise. Etu ke 40 lakh jun manu kan etu NRC naam te thaka nai. Etu karne tai kan logot khetaidebole kuri ase. Huilebi aro etu NRC naam te nathaka kan ke Citizenship nemite husa kebi naam te ase na nai etu janaidebole kuribi koi kena opai de ase koise. Nahuile etu asul Citizenship naam te arobi thakanai koile khetaidebole ase koise. Aro etu kan sob nemite Supreme Court pora kinika kuribole koi ase etu hisabte hi mani kena kuri ase koi kena Assam CM pora Union Home Minister ke janaise. Etu oporte etu nesena nahua chamala kan nemite aro public kan nemite husir thakibole karne bi thik pora kam julai kena ahkete jabole kuri ase koise.Assam state te etu National Register of Citizens (NRC) mana toh 1951 sal bejete besi deri thaki kena mana laga ase. Aro etu mana toh osor laga desh kobi Bangladesh pora khushi-khushi manu kan aha ke thik pora saidebole karne ase koise. Etu oporte Assam CM, Union Home Minister aro BJP President kan bi Citzenship Amendment Bill 2014 nemite bi thik pora kotha manaise koise. Kele etu Bill nemite Assam state kan pura ekdam khilaf kurikena thaka karne. Aro etu Bill nemite asul kotha toh ahebole laga Parliament Session te kotha thik pora manai kena mela kuridebole ase koise. Aro etu Bill nemite bi BJP Party kan ahebole moina te Assam Panchayat elections mana time te besi biya pora khilaf kurikena (face tough challenge) elections manabole ase koise.