NEW DELHI, NOVEMBER 18 : Centre pora Saturday din Bureaucratic chis toh sob botli kuridese. Etu ke Senior Gujarat Cadre IAS Officer G C Murmu ke Secretary, Department of Expenditure nemite anedese aro banaidese. Etu G C Murmu toh 1985 sal laga IAS Officer ase. Aro tai Department of Revenue laga Special Secretary nemite thaka laga ase. Aro etu anediya aro banaidiya toh Department of Personnel aro Training (DoPT) kan pora koa hisabte Cabinet laga Appointments Committee pora anedebole kuri kena hi anediya laga ase koise.Etu oporte etu Department kan pora 8 jun Senior IAS Officers kan ke alak-alak kam nemite botli kuride kena bataide kena ase. Etu ke Senior IAS Officer Upma Chawdhry, Lal Bahadur Shastri National Academy of Administration laga Director ke Secretary, Department of Youth Affairs nemite anedese. Aro etu anediya toh Amarendra Kumar Dubey toh December 31 te rokhijabole (retire) hua karne. AB Pandey, Chief Executive Officer (CEO), Unique Identification Authority of India (UIDAI) laga ke toh Secretary, Department of Revenue laga nemite banaidese aro anedese. Etubi Hasmukh Adhia toh November 30 retire huijabole hua karne. Aro etu oporte etu AB Pandey toh etu UIDAI laga CEO aro Goods aro Services Tax network laga Chairman nemite Additional Charge karne bi nahatijai kena ene thakibole ase koise.N Sivasailam, Special Secretary, Department of Telecommunications laga ke toh Special Secretary (Logistics), Department of Commerce nemite anedese aro banaidese. Sumanta Chaudhuri, Managing Director, Small Farmers’ Agri-Business Consortium, Department of Agriculture, Cooperation aro Farmers Welfare laga ke toh Secretary, Ministry of Coal Vice Inder Jit Singh laga nemite banaidese. Chhabilendra Roul, Special Secretary, Department of Agricultural Research aro Education laga ke toh Department of Fertilizers bitorte Special Duty Officer nemite banaidese. Yogendra Tripathi, Chairman aro Managing Director, Food Corporation of India ke toh Secretary, Ministry of Tourism laga nemite banaidese. Etubi Rashmi Verma toh November 30 rokhijabole hua karne. Shalini Prasad, Special Secretary, Ministry of Panchayati Raj laga ke toh Member Secretary, Tariff Commission, Department of Industrial Policy laga nemite banaidese. Aro Ashok Kumar Singh, Additional Secretary, Lok Sabha Secretariat laga ke toh Secretary, National Commission for Scheduled Tribes laga nemite banaidese. Etubi Raghav Chandra rokhijai kena etu kam khali thaka nemite koi kena, DoPT pora janaise.
Add Comment